12
ملک بھر میں سونے کی قیمت میں ایک بار پھر اضافہ ریکارڈ کیا گیا ہے جس کے بعد فی تولہ سونا مزید مہنگا ہو گیا۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 3,700 روپے اضافہ ہوا ہے۔
فی تولہ سونا 5 لاکھ 43 ہزار 262 روپے تک پہنچ گیا۔ 10 گرام سونا 3,172 روپے اضافے کے بعد 4 لاکھ 65 ہزار 759 روپے کا ہو گیا۔
ایسوسی ایشن کے مطابق عالمی مارکیٹ میں بھی سونے کی قیمت میں اضافہ دیکھا گیا ہے۔
عالمی منڈی میں سونا 37 ڈالر اضافے کے بعد 5,205 ڈالر فی اونس ہو گیا۔
ماہرین کے مطابق عالمی معاشی صورتحال، سرمایہ کاروں کی محفوظ سرمایہ کاری کی طرف رجحان اور عالمی منڈی میں اتار چڑھاؤ کے باعث سونے کی قیمتوں میں اضافہ دیکھنے میں آ رہا ہے۔
