ملک بھر میں مسلسل کمی کے بعد سونا آج مہنگا ہوگیا۔ آل پاکستان صرافہ جیمز اینڈ جیولرز ایسوسی ایشن کے مطابق ملک بھر میں فی تولہ سونے کی قیمت 2300 روپے اضافے کے بعد 4لاکھ 93ہزار 162 روپے ہوگئی۔
اسی طرح 10 گرام سونے کا بھاؤ ایک ہزار 971روپے اضافے سے 4لاکھ 22 ہزار 806 روپے کا ہوگیا ہے۔
ایسوسی ایشن کے مطابق عالمی بازار میں سونے کا بھاؤ 23 ڈالر اضافے سے 4708 ڈالر فی اونس ہے۔
یاد رہے کہ گزشتہ 5روز میں سونے کی فی تولہ قیمت میں 15 ہزار 200روپے کی کمی ریکارڈ کی گئی تھی۔
گزشتہ روز کی بات کی جائے تو سونے کی قیمت میں 2 ہزار 900روپے کی کمی ہوئی، اسی طرح 23اپریل کو سونے کی قیمت میں 5 ہزار 200روپے کی کمی ہوئی.
بدھ کے روز سونے کی قیمت 1 ہزار 200روپے تک گری، منگل 21اپریل کو سونے کی قیمت میں 1ہزار روپے کی کمی ریکارڈ کی گئی جبکہ 20 اپریل پیر کے روز سونا 4 ہزار 900روپے سستا ہوا تھا۔
