دنیا کے مقبول ترین آئی فون 17 سیریز کی پاکستان میں قیمتوں اور پی ٹی اے کے ٹیکسز سے متعلق اہم خبر سامنے آ گئی ہے۔
ایپل کے آئی فون کا شمار دنیا کے مقبول ترین موبائل فونز میں ہوتا ہے اور پاکستان میں بھی یہ فون رکھنا ہر ایک کی خواہش ہوتی ہے۔ تاہم پاکستان میں اس کی قیمتیں اور پی ٹی اے کے ٹیکسز کے باعث ہر ایک کے لیے یہ موبائل فون رکھنا مشکل ہوگا ہے۔
ایپل کی آئی فون 17 سیریز 2026 میں بھی سب سے زیادہ فروخت ہونے والی ڈیوائسز میں شامل ہے اور اپ گریڈ کی بدولت دنیا بھر کی توجہ کا مرکز بنی ہوئی ہے۔
ایپل کی آئی فون 17 سیریز میں بڑے اپ گریڈ جیسے ماڈلز میں زیادہ بیس اسٹوریج، زیادہ ریزولوشن کیمرہ سسٹم، بہتر ڈسپلے ریفریش ریٹ اور بہتر خصوصیات ہیں جو معیاری اور پرو ویریئنٹس کے درمیان فرق کو کم کرتی ہیں۔
پاکستان میں آئی فون 17 ماڈلز کی قیمت تقریبا 4 لاکھ روپے سے شروع ہوتی ہے اور اپنے ماڈل اور فیچر کی خصوصیات کے مطابق اس کی قیمت 9 لاکھ تک جا پہنچتی ہے، جو پاکستان میں سب سے مہنگی قیمت کے موبائل فون ہوتے ہیں۔
تاہم وہ پاکستانی صارفین جو آئی فون رکھنا چاہتے ہیں انہیں اس فون کو حاصل کرنے کے لیے پاکستان ٹیلی کمیونیکیشن کو بھاری ٹیکس ادا کرنا پڑتا ہے، جو رجسٹریشن کے طریقہ کار اور موبائل فون کے ماڈل کے لحاظ سے مختلف ہوتے ہیں۔