کمپیوٹرز کے کئی ماڈلز آپ نے دیکھے ہوں گے، لیکن کیبمون نامی یہ منفرد منی کمپیوٹر اپنی خاصیتوں کی وجہ سے سب سے مختلف ہے۔ یہ ڈیوائس ایک کمپیکٹ کمپیوٹر، مکینیکل کی بورڈ اور الٹرا وائیڈ ٹچ اسکرین پر مشتمل ہے۔
کیبمون میں رائزن اے آئی 9 ایچ ایکس 379 پروسیسر، 64 جی بی ڈی ڈی آر 5 ریم اور 8 ٹی بی اسٹوریج دیا گیا ہے، جو اسے طاقتور اور تیز بناتا ہے۔ اس کے ڈیزائن میں کسی روایتی لیپ ٹاپ یا ٹیبلیٹ کی بجائے، کی بورڈ اور اسکرین کو ایک فلیٹ شکل میں پیش کیا گیا ہے۔
اس کمپیوٹر میں 13 انچ کا ٹچ اسکرین ڈسپلے موجود ہے، جو صارفین کو اسکرین سے براہ راست کام کرنے کی سہولت فراہم کرتا ہے۔ اس میں اسٹائلوس سپورٹ بھی شامل ہے، جس کا فائدہ اسکیچ یا ڈیزائن بنانے والے افراد کو ہوگا۔
کیبمون میں 70 واٹ بیٹری، یو ایس بی سی سپورٹ، 2 یو ایس بی 4 پورٹس، 2 یو ایس بی ٹائپ اے پورٹس، ایک ایچ ڈی ایم آئی 2.1 آؤٹ پٹ اور یو ایچ ایس ایس ڈی کارڈ ریڈر کی خصوصیات شامل ہیں۔ وائی فائی 7 کی سہولت بھی اس ڈیوائس میں موجود ہوگی۔
اس منفرد منی کمپیوٹر کی قیمت 400 سے 532 ڈالرز تک رکھی گئی ہے، اور یہ مخصوص صارفین کے لیے دستیاب ہوگا۔
