کراچی ( خصوصی رپورٹ )ایلون مسک نے کراچی کے نوجوان کی اے آئی کمپنی کی کتنی قیمت لگا دی۔۔؟ جان کر آپ حیران رہ جائیں
تفصیلات کے مطابق مصنوعی ذہانت پروجیکٹ پر کراچی کے نوجوان نے کمال کر دکھایا ، صالح آصف کی 3 شریک پارٹنرز کے ساتھ بنائی گئی اے آئی کمپنی ’’کرسر‘‘ کی 60 ارب ڈالر زقیمت لگ گئی، جو دنیا کے امیر ترین شخص ایلون مسک نے لگائی ہے۔
SpaceXAI and @cursor_ai are now working closely together to create the world’s best coding and knowledge work AI.
The combination of Cursor’s leading product and distribution to expert software engineers with SpaceX’s million H100 equivalent Colossus training supercomputer will…
— SpaceX (@SpaceX) April 21, 2026
برطانوی میڈیا کے مطابق ایلون مسک کی کمپنی نے کرسر نامی اے آئی سٹارٹ اپ کمپنی 60 ارب ڈالرز میں خریدنے کا آپشن حاصل کرلیا۔
کرسر کی مکمل خریداری 60 ارب ڈالرز جبکہ شراکت کی قیمت 10 ارب ڈالرز بتائی گئی ہے، کراچی کے نوجوان صالح آصف سمیت کرسر کے چاروں شریک بانی 30 سال سے کم عمر ہیں۔
ان کا بنایا گیا اے آئی پروجیکٹ کرسر انفارمیشن ٹیکنالوجی کے ذریعے کوڈنگ کو خودکار بنانے پر کام کرتا ہے، کرسر کے ٹولز پر آج دنیا بھر کی 50 ہزار سے زائد کمپنیوں کے لاکھوں ڈیولپرز کام کررہے ہیں۔
کرسر کا سالانہ منافع 1 ارب ڈالرز ہے اور اسے تیزی سے ترقی کرنے والی اے آئی کمپنیوں میں شمار کیا جا رہا ہے۔
امیر ترین لوگوں پر رپورٹ کرنے والے امریکی جریدے فوربز نے صالح آصف کے اثاثوں کی مالیت 1.3 ارب ڈالرز بتائی ہے۔